District Update | KAHIUSAHAN SA MGA NAMUNOAN SA TEAM ASENSO; MGA KATAWHAN ANG NAKA BENEPISYO.
District Update | KAHIUSAHAN SA MGA NAMUNOAN SA TEAM ASENSO; MGA KATAWHAN ANG NAKA BENEPISYO.
Published March 12, 2023
Bhal Cabrera
Ozamiz City, Misamis Occidental | Si Top Performing District Representative sa Northern Mindanao ug sa Tibook Nasud – Congressman Ando Oaminal sa segundo distrito ning probinysa ang nanguna sa pag apud-apud sa RELIEF ASSISTANCE FOR FLOOD VICTIMS sa KATAWHAN sa dakbayan sa Ozamiz, mga lungsod sa Clarin, Tudela ug Sinacaban, Marso 11, 2023 diin gipahigayon sa duha ka mga lugar; sa Ozamiz City Gym ug sa Tudela Gymnasium.
Kahinumduman nga nasinati sa atong probinysa ang wala damha nga kalamidad nga nakahatag ug dakong damyos sa agricultura ug mga imprastaktura ug mikalas usab ug mga kinabuhi kaniadtong December 2022, apan tungod sa hiniusang pagserbisyo sa team ASENSO sa pagpanguna ni Working Governor Atty Henry Sevilla Oaminal masdali ug paspas ang pagpadangat sa mga ayuda ug tabang ngadto sa mga KATAWHAN.
Natuman ug nahimo kini nga klase sa pagpangalagad matud pa sa pamahayag ni Congressman Ando Oaminal tungod kay adunay panaghiusa ang mga lideres gikan sa Barangay, Kalungsoran, Syudad, Distrito ug ngadto sa Probinsya. adunay hiniusang tumong ug tinguha ug mao kini ang bugti diin ang mas kadaghanang Misamisnon nga gialagaran ang naka sinati ug naka tagamtam sa mga benepisyo niini.
Miabot ngadto sa 5,598 ka pamilya ang apektado sa maong kalamidad kinsa sa unang adlaw palang gi alagaran na sa Team Asenso Misamis Occidental ug Asenso Segundo Distrito ug mismo si Congressman Ando Oaminal ang nangunay sa pagadto sa mga nagkadaiyang evacuation centers sa syudad ug lungsod sa segundo distrito nga naapektuhan sa kalamidad.
Sa 5,598 ka pamilya MAKADAWAT kini ug Cash Assistance (matag pamilya) nga tag Five Thousand pesos (5,000.00) + Four Thousand pesos worth of FOOD PACKS; samtang nagpaabot sa pagpasalamat si Cong Ando ngadto sa DSWD sa pag facilitate niini sa pag release sa maong Cash Assistance nga mibalor ug 27,990,000.00 ( 27 Million Pesos).
Kauban ni Cong Ando Oaminal ang mga lideris usab sa Segundo Distrito sa pagapud-apud sa maong mga relief assistance sila si Ozamiz City Mayor Atty. Indy Oaminal, Clarin Mayor Jojo Dacer Roa, Tudela Mayor Samuel Parojinog ug Sinacaban Mayor Dello Lood.
Mahinangpon ug magpasalamaton nga gidawat ang mga ayuda gikan sa Team Asenso diin NABATI gayud sa matag KATAWHANG Misamisnon ang Tinud-anay ug Luboslubos nga pagpangga ug pagpangalagad ug ang TATAK OAMINAL nga pag-SERBISYO, nga nahaom sa tinguha nga ang matag Misamisnon Magpuyong Malinawon, Malamboon ug Malipayon.
TriMedia Digital 